• تویدان سونرا حنانی گؤته یاخارلار

• تویدان سونرا ناغارانین فایداسی اولماز

• تویوغو بیر خالوار بوغدانین ایچینه سالسان ، یئنه ائشَلنمگیندن قالماز

• تیکه قارین دویورماز؛ محبّت آرتیرار

• جرگه دن قالان قوتور اولار

• جیدا ایله قولاغا پامبیق یئتیرمک اولماز

• جیدانی اوغورلایان یئرینی بیلر

• جیدانی چووالدا گیزلتمک اولماز

• چؤمچه قازانین تکینی دئشیب

• چؤمچه قازانین دیبینه دایاندی

• چؤمچه قازانین دیبینه دَییر

• چاخیر ایچن مالینی ایتیرر، بنگ چکن عاغلینیچ

• چاخیر پاخیر آچاندیر

• چاخیری ایچ شیر بؤیرو ییرتماغا ، ایچمه قارغالار گؤزونو دَلسین

• چاخیری تؤکسن سیچانین بوغازینا ، گئدر پیشیگین پئشوازینا

• چاخیری تؤکسن کئچینین گؤتونه قوردون پئشوازینا گئدر

• چاخیری کئچینین بوغازینا تؤکسن واریب داغلاری آشار

• چاخیری لالا وئرسن لال دیل آچار

• چاردا آلتیندا هر آرواد گؤزلدیر

• چالخالاندیقجا زمان نئهره کیمی ، یاغ یاغ اوسته گئدیر ، یارما یاوان قالار

• چوخ یئکه سیچیب ، باشیندان دا دیشلَییر

• چوخ یوماقلا قارا پالاز آغارماز

• چولاق آت سیّده نذیرئیر

• چیبین میندار( مردار) دئییل اورَک بولاندیرار

• چیراق اؤز دیبینه( دوره سینه) ایشیق وئرمز(سالماز)

• حالین پیسدیر اؤل قورتار

• حاییف قیمته قالماز

• خارادا چالغی ، اورادا قالغی

• خاراللارا سیغمایان جانیم ، توربا داغارجیغا سیخیلدی

• خالتانی آسلان بوینونا وورمازلار

• خورَگین دادی آغیزدادیر

• خورَیی دویونجا یئمه ، گؤزون دالینجا قالماسین

• خورُیین یاخشیسی حاضر اولانیدیر

• خیمیر خیمیر ، همیشه خیمیر

• خینا گئجه سی هامی خینا بویانار

• خینالی اَل جیبه قویولماز

• دئییلَجک سؤزو فیکیرلش، سونرا دئه

• دئییلَجک سؤزو قارنیندا ساخلاما

• دئییلمیش سؤزدن دئییلمَمیش یاخشیدیر

• دئییلن سؤز یادیگاردیر

• داتدلی سؤز دینلَنَر، دادسیز سؤز اَسنَدَر

• دادسیز شوربایا دوز دا کار ائلَمَز

• دادلی سؤز جان آرزوسو، داسیز سؤز باش آغریسی

• دادماقلا مال توکنمز

• دادمامیسان قاز اتینی نه بیلَسَ لذّتینی؟

• داز کئچلدن خوشلانار

• دازین ایستَدیگی قارا ساچ اولار

• داش داشا سؤیکَنر دیوار اولار

• داش دویوارین قولاغی وار

• داش دَیَنه بللیدیر ، یول گئدنه

• داش آت قوللارین آچیلسین

• داش آتان بللی باش آتان بللی

• داش آتانا چؤرک آت

• داش آتیب باشینی توتوب

• داش اورَکلی دوشمنین اورَگینی یارار یومشاقلیق

• داش اوسته اکین اولماز

• داش اولسایدی سیخاردیم ، تورپاغیدیم دایاندیم

• داش اولما ، بوش اول

• داش بیر یئرده قوز بیر یئرده

• داش بیر یئرده قالانادا گؤیرر

• داش داشی دیرناق داشا ، سیز ساواشا بیز تاماشا

• داش داشی سیندیرماز

• داش قیزلار باغرینا ، گئجه لر یالقیز یاتار

• داش یومشاق نه اولسا یئیر( کنایه(

• داش یومشالار ، دوشمن یومشالماز

• داشلاردا دیله گلیر

• داشی داشا ، باشی باشا وورارلار

• داشین خیرداسی بؤیومز ، آدامین خیرداسی بؤیویر

• داشینما سو اسله دَییرمان ایشلمَز

• داغ ییخیلماسا دره دولماز

• دالشینما سو ایله باغ سالینماز

• دامازلیغینی یئین تامارزی قالار

• دانیشانی آدام بیلیر، هورَنی ایت

• دانیشماق دانانی قوردا وئرر

• دانیشماق گوموش اولسا ، دانیشماماق قیزیلدیر

• دانیشیرام دا پیس اولور ، دانیشمیرام دا

• داوا آجی فایداسی شیرین اولار

• دایچا آت اولونجا ییه سی مات اولار

• دایچا نه قدر برک قاچسا ، آرابانی چکن آتدیر، آت

• دده مین دامین ییخمیشام کی ، قار کوَرمَییَم

• در دیوارین دا قولاغی وار

• درزی اؤز ییرتیغینی یاماماز

• درزینین مایاسی ایگنه ساپدیر

• درزیه کؤچ دئدیلر : ایگنه سینی سانجدی

• دعانی بیز ائلَدیک یاغیش یاغدی قاراداغا!

• بارسیز آغاجا داش آتمازلار

• بارلی آغاجین باشینا دولانارلار

• بارماغین هانسینی کسسن ، آغریسی بیردیر

• بازار آتا آنا تانیماز

• بازار ایچینده ایت قولاغی کسمزلر

• بازار باققالسیز اولماز، مئشه چاققالسیز اولماز

• بازار چؤرَیی چوخ اولسون ، بازاردا اولسون

• بازار شیطان یوواسیدیر

• بازار قورولدو ، حساب دورولدو

• بازار یانسین ، آمما منه بیر مانات قازانج اولسون

• بازارا گئدر یاغیش یاغار، دَییرمانا گئدر قیرغین اولار

• بازاردا بئز اوجوز اولاندا آدام اؤزونو اؤلدورمز

• بازاری کاساد اولانا مَردَنه گرک اولسون

• باش یاراندان چوخ قمه توتان وار

• باغا چاناغیندا چیخدی ، چاناغینی بَینمدی

• باغا یول گئده بیلمز ، ائوینی بئلینده گزدیرر

• بالا قوشون آغزی بؤیوک اولار

• بالالی قارغایا پای دوشمز

• باهاسینا پول وئرمیشم ، گؤزلریم ده چیخسادا یئیرم

• باهالیقدا چؤرَگینی اَسیرگَیَن اوجوزلوقدا یالقیز قالار

• بد آت اؤزونو گؤزلر ، یاخشی آت ایگیدی

• بد اؤزوده بیر رنگدیر

• بد ائولاد خطایا اورجاح اولار

• بد اصیلدن اصیل اولماز، بوینونمجا قیزیل قالا

• بد اصیلدن اصیل اولماز، قاچان قیزدان خانیم!

• بد اصیلی باشا چکرسن ، سوروشر آیاغا دوشر

• بکمز ساتانا دا لعنت، بکمز آلانادا !

• بلد چیله گئدن یورولماز

• بلدچییه یول گؤسترمزلر

• بوغاز منیم ، قارین اؤزگه نین( کنایه )

• بولانماسا ، دوردولماز

• بیر کسین نصیبین او بیری کس یئمز

• بیری یاغیش اولدو ، سن تورپاق اول

• بیریئرده اوتورما کی ، آلتینا سو چیخسین ( دئییم)

• پئندیر یئیَن سو آختارار

• پاپاقچینین پاپاغی ییرتیق اولار

• پاپاقچینین کؤنلو اولسا ، بیر دَریدن دوققوز پاپاق تیکر

• پاران اوجوز ایسه ، اؤزون باهالی اول

• پاسلی دمیردن قیلینج اولماز

• پای بؤلَنه پای قالماز

• پای پایلایان پاییندان اولار

• پایینی یالقیز یئیَن پایینی دیشی ایله توتار

• پلنگه ات یئمگی ، کئچییَه اوت یئمگی اؤیرتمزلر

• پول پولو قازانار پول پولو گتیرر

• پول وئرسن ماللا منبردهن دوشر

• پولو سایدیقجان آزالار

• پیادا آتلییا گولر

• پیادا گلندن آت آلماغی اؤیرنمه

• پیرینی تانیمایانین عاقبتی پیس اولار

• پیشیک آتاسینین خیرینه سیچان توتماز

• پیشیک آرخاسینی یئره وورماز

• پیشیک اؤلوب سیچانلارین بایرامیدیر

• پیشیک ائودن چیخاندا ، سیچانلار باش قالدیرار

• پیشیک بالاسی اؤزونو آناسینین دؤشونده گیزلَدر

• پیشیگین دردی ایتی اؤلدورر

• پیشیگین قانادی اولسایدی سئچه دن علامت قالمازدی

• پیشیگین گؤزو سیچان دئشیگینده اولار

• تئز پاریلدایان تئزده سؤنر

• تئز قاچان ،تئز یورولار

• تارلادا ایزی اولمایاناین سفره ده اوزو اولماز

• تازیسیز اووا گئدن ائوه دووشانسیز قاییدار

• تازینی خالتاسی ایله تانییارلار

• تازینین توپال اولدوغو دووشانین قولاغینا یئتیشیب

• تانری ائششگی تانییب ، بوینوز وئرمَییب

• تانری قورویانی قورد یئمز

• تاوا دلیک یاغ توتماز ، تاختا چوروک میخ توتماتز

• تاووس قوشونو توکونه گؤره کَسرلر

• تجارت دوستلوق کؤرپوسودور

• تَزه ائوه کؤچنده ، کؤهنه ائوین اوجاغیندا کول گؤتررلر

• تقدیر ایله یازیلان ، تدبیر ایله پوزولماز

• تک آغاجدان باغ اولماز

• تک ال ایله دویون دویونلَنمز

• تک الدن سس چیخماز

• تک داشدان دووار اولماز

• تک قویوندان سورو اولماز

• تک گزن دانانی قورد یئیر

• تکرار بیلگین آناسیدیر

• تکلیک آللاها یاراشار

• تکه ده قوچ هونری اولماز

• تنبل داغدا قار گؤردو ، یورغانینا بوروندو

• تنبل دیلنچی نین قارداشیدیر

• توخ ایت آج بَی دن یاخشیدیر

• توخ ایکن یئین، دیشی ایله اؤزونه قبیر قازیر

• تورپاغین قاراسی اوز آغاردار

• تورپاقنان اوینایان آج قالماز

• تولانین قویروغونو کسمکله کؤپک اولماز

• اولاجاغا چاره یوخدور

• اولاماغینی بیلمَیَن کؤپک ، سورویه قورد گتیرر

• اولان اولدو ، توربا دولدو

• اولان دؤرد باغلار، اولمایان درد باغلار

• اولاندا گؤز قیزارار ، اولمایاندا اوز

• اولدوز چوخسا ، آی بیردیر

• اولمایانین بیر دردی وار ، اولانین اون بیر

• اوّلی میدان اولانین آخیری زندان اولار

• اون اؤلچ بیر بیچ

• اون ایکی اماما یالوارینجا ، بیر آللاها یالمار

• اویناشا اومود اولان اَرسیز قالار ، قونشویا اومود اولان شامسی

• اویناشدان اَر اولماز

• اویناماق بیلمز ، یئریم داردی دئیر

• اهل کمال معرفت غصّه نی چوخ یئسین گرک ، قارقا وکیل اولان قوشون ، حقّی دی پوخ یئسین گرک

• ایت یاتار قارا آغاج کؤلگه سینده دئیر بس اؤز کؤلگه سیدیر

• ایت یاتار قایا کؤلگه سینده ، دئیر بس اؤز کؤلگه سیدیر

• ایت ییه سینی تانیمیر ( مئتافور: شولوقلوق(

• ایت ییه سینی تانییار

• ایتی چؤرک تندیردن ، منّتی یوخ پندیردن

• ایتی ییه سینه تانیتدیریر

• ایتیب، آختارانی یوخدور

• ایرمی گلیری اولوب، ایرمی بیرخرجی اولانین وای حالینا

• ایرمیسینده یئل چکن ، آلتمیشیندا سیزلار

• ایستَدی قایشن دوزلده ووردو ، گؤزون چیخارتدی

• ایستی سئون توستوسونه دؤزر

• ایستَییرسن قوجالیقدا حرمتین اولسون ، جوانلیقدا قوجالار حرمت ائیله

• ایشی باشلامامیش آخیرینی ) سونونو( دوشون

• ایگید اؤلر آدی قالار، مخنّثین نه یی قالار؟

• ایگید اؤلر اونو) شهرت( قالار ، اؤکوز اؤلر گونو قالار

• ایگید اودور، آتدان دوشوب آتلانا ، ایگید اودور، خر عذابا قاتلانا

• ایگید اودورکی، آپاردیغینی گتیرسین

• ایگید اوغول جوان ائیلر آتانی

• ایگید اوغول دوشمنه اَییلمز

• ایگید ایلقاریندان دؤنمز، دوه اووساریندان

• ایگید اَییلدی اؤلدو

• ایگید باسدیغین کسمز

• ایگید جانلی ، کباب قانلی

• ایگید قووغاسیز اولماز

• ایگید لقبله تانینار

• ایگید لیگین ده یئری وار

• ایگید مئیداندا معلوم اولار

• ایگید یارسیز اؤلمز

• ایگید یوز یاشار، فرصت بیر دوشر

• ایگیده هونرینه گؤره آد وئررلر

• ایگیدی یاخشی ساخلار، یاخشی آرواد ، یاخشی آت

• ایگیدیم ایگید اولسون ، کول دیبی ائویم اولسون

• ایگیدین الی ایشده گرک

• ایگیدین ایگیددن احتیاطی آرتیقدیر

• ایگیدین باشی قالدا گرک !

• ایگیدین خنجری قینیندا قالماز

• ایگیدین منزیلی بیر اولار ، نامردین منزیلی اولماز

• ایل باهاریندان بیلینر

• ایل وار بیر گونه دَیر، گون وار بیر ایله دَیر

• ایل وار بیر گونه دَیمز، گ.ن وتر بیر ایله دَیر

• ایلان آدامین توپوغونوگؤزلر، آدام ایلانین باشینی

• ایلان آغزیندان قورتاردی ، قورباغا آغزینا دوشدو

• ایلان آغزیندان قورتولوب ، اَژدها آغزینا دوشدو

• ایلان آیاغی ، قاریشقا گؤزو، موللا چؤرَگی، کیم گؤروب؟ !

• ایلان اولدوز گؤرمَسه اؤلمز

• ایلان چیخدیغی باجانی یاخشی تانییار

• ایلان دوزلمَیینجه یوواسینا گیرمز

• ایلان قابیغینی دَییشر، خاصیّتینی دَییشمز

• ایلان ووران آلا چاتیدان دا قورخار

• ایلان ووران یاتار ، آج یاتماز

• ایلان هر یئره ده اَیری گئدسه ، اؤز یوواسینا دوز گئدر

• ایلان یولو اَیری گئدر، یوواسینا دوز گودر

• ایلانا آغونو کَرتَنکله وئرر

• ایلانی اؤزگه الی ایله توتمازلار

• ایلانی سید احمد الی ایله توتارلار

• ایلانی یارالی بوراخمازلار

• ایلانین آجیغی یارپیزدان گلر،هارا گئدسه اونونلا اوز اوزه چیخار( یارپیز= راسو، پورسوق)

• ایلانین آغینا دا لعنت ،قاراسینا دا

• ایلانین باشینی اؤزگه الی ایله اَز

• ایلانین بوغازینا گیرَن چیخماز

• ایلانین قوسزوغونو یوخ ، باشینی اَزرلر

• ایلده باشا گلمَین ، دیلده باشا گلر

• ایلقاریندان دؤنن نامرددیر

• ایللر قوجالتماز انسانی غصّه قوجالدار

• ایلنمیش اته میلچک قونار

• ایلنمیش سویو ایچمزلر

• ایلین آخیر چرشنبه سی کیمینه دوشر، کیمینه یوخ

• ایلین یاخشی اولاجاغی باهاریندان بللی

• اَینینده دونو یوخ ، باشیندا پاپاق اختاریر

• ایی بیلمَین تولا دریسینی کولا وئمز

• بار وئرن آغاجا داش آتارلار

• آجیقلی دیلَنچی نین تورباسی بوش قالار

• آخیردا گولن یاخشی گولر

• آخیرده گلن قاپینی اؤرتر

• آخیری فنا اولاجاق ایشی هئچ باشلاما

• آدامین آغزی آشا چاتاندا ، باشی داشا دَیَر

• آرالیق اویونون آرالیقدا اوینارلار

• آرالیق سؤزو ائو ییخار

• آرالیق مالی آرادا یئییلر

• آرواد کیشینین قولتوق ساعاتی دیر

• آرواد مالی قاب دستمالی

• آروادا شریک اول، مالا شریک اولما

• آریق آتا قویروغو دا یوکدور

• آریق آتا یوک چاتمازلار

• آریق آتدا تَپر چوخ ، یئریمَیه هونر یوخ

• آریق اؤکوزه بیچاق اولماز( آریق اؤکوز کسیلمز(

• آز اولسون ، دوز اولسون

• آز یئه همیشه یئه

• آزانچی چکر سویوغو ، موللا یئیر تویوغو

• آزاندا گئت شیطان ائوینه

• آستا آتین تَپیگی بَرک دَیر

• آستا گئدن منزیل کسر

• آستا گئدن یورولماز، یورویَن یولدا قالار

• آشیق گؤردویون سؤیلر

• آغاج بار وئردیکجه ، باشین آشاغی تیکر

• آغاج توتان باش یاراندان چوخدور

• آغاج گتیرَنین اوّل اؤزون وورارلار

• آغاجین ایکی باشی وار

• آللاه قوناغینین اؤز قسمتنی وار

• آلیجی نین گؤزو ساتیجی دا اولار

•آوازین یاخشی گلیر ، اوخودوغون قرآن اولسا

• اؤ کوزو اولانا ، گؤن بورج وئرمزلر

• اؤرتولو بازار دوستلوغو پوزار

• ائرتَیه قالان ، بلادان قورخما ائرتَیه قالان ، آرخایا قالار

• اؤردک اتین قاز اتین ، یئیَن بیلر لإّتین

• اؤردک گلیب قاز اولماز، گلین گلیب قیز اولماز

• اؤردَگی باغلاماغا ایپک گرک ، یار ایله اویناماغااورَک گرک

• اؤردَگی سو ایله قورخوتمازلار

• ائرمنی دن شاهید ایستَدیلر ، اوزوم آیاقلایان گتیردی

• اؤز آدینی اؤزگه لره قویما

• اؤز اؤزونه ائیلَیَنه چاره یوخدور

• اؤز ائولرینین تولکوسو ، اؤزگه ائوینین آسلانی دیر

• اؤز ائویمین نؤکرییَم ، اؤزگه ائوینین آغاسی

• اؤز ائوینده اؤز باشینی باغلایا بیلمیر ، اؤزگه ائوینده گلین باشی باغلاییر

• اؤز چؤرَگینی اؤزگه سوفره سینده یئمه

• اؤز عاغلینی اؤزگه عاغلینا وئرمه

• اؤز قدرینی بیلمَیَنین قدرینی اؤزگه سی ده بیلمز

• اؤز قورو چؤرَییم ، اؤزگه نین پیلوووندان ) چیلوو( یاخشیدیر

• اؤز کؤوشنینده اوتلایان مال آج قالماز

• اؤز گؤزونده بایقوشون بالاسی ، تاووس قوشوندان دا گؤزلدیر

• اؤز گؤزونده تیری گؤرمور، اؤزگه گؤزونده قیل سئچیر

• اؤز گؤزونده دیرَگی گؤرمور، اؤزگه گؤزونده چؤپو گؤرور

• اؤزو عدالتلی اولانین قاضییا احتیاجی اولماز

• اؤزو قازانمایان مال قدرینی بیلمز

• اؤزو ییخیلان آغلاماز

• اؤزون باخما سؤزونه باخ

• اؤزوندن قوّتلی ایله آیاق چکمه

• اؤزونده اولمایاندا قونشویا گئدرسن ، قونشوندا اولمایاندا هارا گئدرسن ؟

• اؤزونو یاستا بیلسن ، یولداشینی اؤلموش بیل

• اؤزونو باشقاسینا نردیوان ائیلَمه

• اؤزونه حرمت قویمایان ، اؤزگَیه ده حرمت قویماز

• اؤزونه قییمادیغینی ، اؤزگیَه ده قییما

• ائششک نه بیلیر زعفران نه دیر؟

• اؤکوز اؤزونه یونجا اَکنده باشی آغرییار

• اؤکوز اؤلدو، اورتاق آیریلدی

• اؤکوز اؤلر گونو قالار، ایگید اؤلر اونو( شهرت( قالار

• اؤکوز اؤلمَیینجه اینگه قیمت اولماز

• اؤکوز اولاجاق دانا پوخوندان بیلینر

• اؤکوزو اولانا بورج گون وئرلر

• اؤلموش آتا یوک چاتمازلار

• اؤلموش آسلانا دووشانلار دا هجوم ائیلر

• اؤلموش آسلاندان دیر کؤپک یاخشیدیر

• اؤلموش دوه نین دریسی بیر ائششگه یوکدور

• اؤلَنین بورجونو باققال دیریلره یوکلر

• اؤلو آسلانین ساققالینی یولارلار

• اؤلوسو اولان بیر گون آغلار ، دلیسی اولان هر گون آغلار

• اؤلوم قاش ایله گؤز آراسیندادیر

• اؤلوم وار آرلوم کیمی ، اؤلوم وار ظولوم( ظلم) کیمی

• اؤلونو بیر دفعه یویارلار

• اؤلونون وصیّتی اؤزو ایله گئدر

• ائله ائیله کی ، بیرده بازارا شور ساتان گلسین ( دئییم)

• ائله ایش توت کی، ایچیندن قنبر قولو چیخماسین( دئییم)

• ائله باغین بئله ده مئیوه سی اولار

• ائله تیکه گؤتور کی ، اودا بیلَسن( دئییم(

• ائله دون گئیمک گرک کی ، یاماغی ائوده تاپیلا

• ائله سؤز دئه کی ، کالی تؤکولسون دَیمیشی قالسین) دئییم(

• ائله سؤز دئییر کی ، پیشمیش تویوغون گولمگی گلیر) دئییم)

• ائله قازانین بئله ده آشی اولار( دئییم)

• اؤیرنمَیه عار اولماز

• اؤیودو آلمایانا وئرلر

• اائله چؤمچه نین بئله ده قازانی اولار( متافور دور)

• احتیاج انسانس هر ایشه قویار

• ارز ایشینی اؤزون گؤر

• ارکوزو اولانا یول گؤسترن چوخ اولار

• اغاج بهشتدن چیخیب